Пшкадема Инешкипазонтень

Инешкипаз, Вере Чипаз!
Тон, марицясь, кода тикше касы,
Тон, неицясь, кода пеште панжи.
Неимизь, марямизь,
Сюконятано пильгезэть,
Пшкадтяно валдо оймезэть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано эйкакшонок кис,
Ознотано видевксэнек кис,
Кардазсо ракшанок кис.
Ванстомизь, идемизь
Ятонь ломанде, ормадо-тармодо,
Апародо-зыяндо, даволдо-цяряхмандо.
Вана пидинек ашо кеднесэ,
Вана панинек шожда мельнесэ,
Зяро кашасонть ямкстнэде,
Зняро макст эрьвантень улипаро,
Сюронь сюросо, ракшань ракшасо,
Макст тенек лембе, сэтьме пиземе,
Чачост-касост тяканок,
Раштыцят улест аванок.
Лисьмакс парот лисезэ,
Леекс эрьметь чудезэ.
Минь тонеть Шумбра кши
Тон миненек шумбрачи!
Пазчангот! Пазчангот! Пазчангот!