Эстононь Малавикс Ломаньтналонь Программась ладясь Литературнай премия

Эстононь Малавикс Ломаньтналонь Программань пуромкссь и Финноугрань Литературань Ассоциациясь максыхть куля, што синь ладясть Литературнай премия, кона кармай макссевома эрь кизоня нят писательхненди, ётафтыхненди и литературань вятихненди, конат кялень коряс сувсихть уральскяй кялень тналти и аш синцень государствасна.

Эстононь Малавикс Ломаньтналонь Программань пуромкссь максы Литературнай премия тяфтама категориятнень коряс:

1. Художественнай произведеният (роман, кочкаф новеллат, азкст)

2. Валморот;

3. Ётафтф произведеният (роман, кочкаф пьесат, кочкаф новеллат, кочкаф валморот, кочкаф эссет – сяда пара, кда синь ётафтфт финноугрань кяльста);

4. Идень книгат;

5. Литературань вятемань и литературань критикань коряс произведеният (кочкаф эссет, публицистика);

6. Драматическяй произведеният (пьесат, филмань сценарият, оперань либрето)

Премиянь вешикс лувовихть афкуксонь художественнай, драматическяй или ётафтф произведениятне, идень книгатне, конат лиссть книгакс (или, башка ванозь, печатлафт журналса, кувалмосна 30 и сяда лама страница) мекольце ниле киза потмоса (2005-2008) финноугрань кяльса. Премияса кармай казевома стама произведениясь уральскяй кяльса, кона канды эсьсонза тядянь кялень и литературань касфтомань и мяляфтомань смузь и конань кялень и литературань ширец, экспертнень мяльснон коряс, пяк оцю.

Премиясь – 20 000 эстононь крона – кармай макссевома эрь категорияса фкя ломаненди.

Премиянь получайхнень лемснон азсазь 1- це ноябрьста – удмуртонь писательть Кузебай Гердонь мяляфтомашиста.

Информациясь Литературнай премиянь вешихненды:

Кинь мялец сатомс Литературнай премиять, эряви кучемс:

1. Лисьф произведениять кафта экземплярса;

2. Фкя-кафта сёрматф мялень максомат (эстононь, рузонь или английскяй кяльса);

3. Заявления (эстононь, рузонь или английскяй кяльса), коса сёрматф Премиянь вешить фамилияц, лемоц, аляньлемоц (или сявф лемоц), шачема пингоц, покодема вастоц, кудонь и покодемань адресоц и телефоноц, а стане жа электроннай адресоц и, кда ули, факсонь номероц;

4. Сяда инголе лисьф эсь сёрматф/ётафтф произведениятнень лувкссна (эстононь, рузонь или английскяй кяльса).

Жюрись кармай ванондома премиянь вешемань заявлениятнень весть кизоти: заявлениянь кучема пингсь аделави 1 сентябрьста. Сембе эрявикс документтнень и произведениятнень эрявихть кучемс Малавикс Ломантналонь Программань Пуромкссти. Сонь адресоц тяфтама:

Hõimurahvaste Programmi Nõukogu sekretariaat

Soome-ugri õppetool, Ülikooli 18, Tartu 50090, Eesti

Сёрматф мялень максоматнень, заявлениять и произведениятнень лувкссна кучевихть электроннай киге: kadi.sarv@ut.ee или факсса: +372 7 375 222, +372 7 376 216.

Сембе эрявикс документтнень эряви сёрмадомс компьютерса или печатнай машинкаса.

Сяда лама информацияда кизефтеви Арво Валтононь кядьста телефонга: +372 6013074; мобильнай телефонга: +372 5110794 или электроннай киге: valton30@hotmail.com.