Эстонияса Рöдвуж войтыр программалöн литература премия
Юöр
Эстонияса Рöдвуж войтыр программалöн Сöвет да Финн-йöгра литератураяслöн ассоциация юöртöны урал кывкотырö пырысь ас государствотöм войтыръяслöн гижысьяслы, вуджöдчысьяслы да литература туялысьяслы быд вося литература премия йылысь.
Эстонияса Рöдвуж войтыр программалöн Сöвет вöзйö литература премиясö татшöм категорияясын:
1. Художествоа проза гижöд (роман, новелла чукöр, повесьт);
2. Художествоа поэзия гижöд;
3. Вуджöдöм гижöд (роман, новелла чукöр, кывбур чукöр, пьеса, эссе чукöр, челядь небöг – бурджык, вуджöдöма кö кутшöмкö урал кывйысь);
4. Челядьлы небöг;
5. Литература туялан гижöд (литературалöн история, критика, эссе чукöр, публицистика);
6. Драма гижöд (пьеса, фильм сценарий, опера либретто).
Литература премияыслöн номинантöн вермас лоны бöръя нёль вонас (2005-2008) небöгöн йöзöдöм (вермасны видлавны и журналын йöзöдöмаöс, гижöдыс кö 30 лист бокысь кузьджык) урал кывъя художествоа проза ли поэзия гижöд, челядь небöг, литература туялан гижöд, драма гижöд да художествоа гижöд вуджöдöм. Премияыс сетсьö экспертъяслöн донъялöм серти литература да кыв боксянь тöдчана урал кывъя гижöдъясысь, кодъяс отсалöны видзны-сöвмöдны чужан кыв.
Премияыс 20 000 эстон крона быд категорияын да быд категорияын сiйöс сетöны пырджык öти авторлы.
Премия босьтысьясöс юöртасны ноябр 1-öд лунö – удмурт гижысь Кузебай Гердöс виян лунö.
Литература премия босьтны кöсйысьлы тöд вылö:
Ассьыс уджсö вöзйысьлы колö ыстыны:
1. Йöзöдöм небöгсö (2 экземпляр);
2. 1-2 рекомендация/экспертлысь донъялöм (эст, роч либö англия кыв вылын);
3. Шыöдчöм (эст, роч либö англия кыв вылын), кытчö колö пасйыны нимсö (да псевдонимсö), чужан кадсö, уджсö, гортса да уджалан адрессö, телефон номерсö и, эм кö, факс номерсö да электрон пошта адрессö;
4. Йöзöдлöм гижöд лыддьöг (эст, роч либö англия кыв вылын).
Шыöдчöмъяссö жюри видлалö öтчыд вонас. Став колана гижöдсö да документсö колö ыстыны сентябр 1-öд лунöдз Рöдвуж войтыр программалöн Сöветö татшöм адресö:
Hõimurahvaste Programmi Nõukogu sekretariaat
Soome-ugri osakond, Ülikooli 18, Tartu 50090, Eesti
Шыöдчöмсö, рекомендациясö да йöзöдлöм гижöд лыддьöгсö корам ыстыны, эм кö позянлун, электрон пошта пыр kadi.sarv@ut.ee адресö либö факсöн +372 7 375 222 либö +372 7 376 216.
Став колана кабаласö колö гижны компьютерöн либö печатайтан машинаöн.
Содтöд информация позьö юавны Арво Валтонлысь – тел. +372 6013074, моб. +372 5110794, e-mail: valton30@hotmail.com