Эстононь малавикс раськетнень Программанть пельде алтазь литературань премия
Эстононь малавикс раськетнень Программась вейсэ Финнэнь-угрань Литературань Ассоциациянть марто эрьва иестэ явить Литературань премият сермадыцятнень, ютавтыцятнень, литератураведтнэнь туртов, конат сермадыть уралонь кельтнесэ ды конатнень арась эсь государстваст.
Эстононь малавикс раськетнень Программась алсты премият истямо категориятнесэ:
1. Художественной произведения (роман, новеллань пурнавкс, ёвтнема).
2. Художественно-стихотворной произведения.
3. Ютавкс лия кельстэ (васеньцекс финнень-угрань кельтнестэ: ютавтозь роман, новеллань пурнавкс, стихотворениянь пурнавкс, пьеса).
4. Эйкакшонь литература.
5. Литератураведческой произведения (сёрмадовкс литературадо, художественной критика, эссень пурнавкс, публицистика).
6. Драматургиянь произведения (налксема, фильмань сценарий, оперань либретто).
Литературань премиясь алтави прозань, поэзиянь, эйкакшонь литературань, литератураведческой произведениянь, ютавксонь кис, конат лисезь меельце ниле иетнестэ (2005-2008) книгасо (эли 30 страницадо кувака журналонь статьясо). Премиятне максовить уралонь кельтнесэ сёрмадозь произведениятнень кис, конатнесэ экспертнэ неить виев келень-литературань ёнкст ды конатне лездыть ванстомс тиринь келенть.
Премиянть покшолмазо весе категориятнесэ 20 000 эстононь кронат вейке авторонтень.
Премиясь максови сундерьковонь 1-це чистэ – удмуртонь сёрмадыцянть Кужебай Герды лемензэ кундамсто куломачистэнзэ.
Информация Литературань премиянь претендентнэнень:
Претендентнэнень эряви кучомс:
1. Лисезь произведения кавто экзэмплярсо.
2. 1-2 рекомендательной сёрма /экспертень вановкс (эстононь, рузонь эли англань кельсэ).
3. Заявления (эстононь, рузонь эли англань кельсэ), косо невтеви номинантонь лемезэ (ды псевдонимезэ), чачомачизэ, важодематарказо, кудонь ды важодемань адресезэ, телефононь номерезэ, факсонь ды электронной почтань адресезэ.
4. Седе икеле лисезь произведениятнень (ютавкстнэньгак) лемест (эстононь, рузонь эли англань кельсэ).
Комиссиясь ваны претендентнэнь заявленияст иезэнзэ весть. Весе эрявикс конёвтнень эряви кучомс ожоковонь 1-це чикс Эстононь малавикс раськетнень Программантень:
Hoimurahvaste Programmi Noukogu sekretariaat
Soome-ugri osakond, Ulikooli 18, Tartu 50090, Eesti
Рекомендательной сёрматнень, заявлениятнень ды икельксэнь произведениятнень списканть кучомс электронной почтас kadi.sarv@ut.ee эли факсонь коряс +372 7 375 222 +372 7 376 216.
Весе докумнтнэнь эряви печатамс компьютерсэ эли машинкасо.
Кевкстематне кучомат Арво Валтоннэнь - тел: +372 6013074; моб: +372 5110794, электронной почта: valton30@hotmail.com