Jüšküjärven pajojoukko lähtöü Estounieh

Täl vuvvel ligakuun 10. - 14. päivinnü Estounies jo hüvän tavan mugah pietäh sugukanzoin päivät. [ - - - ]

Karjalas sugukanzoin päivil tüötäh fol'klourujoukko Jüšküjärvelpäi. Joukon ohjuajannu on Raisa Ribakova. Matku sinne kebjei ei roih: voibi sanuo, kai Joukon üksitostu nastu ollah jo vahnat. Sugukanzoin päivil hüö ozutetah tovellistu vienankarjalastu kul'tuurua. Naizet pläšnitäh Jüšküjärvenkülän kadrilin, humahukšen, pajatetah vienankarjalazii da suomelazii pajoloi, kižatah piiriieikkii. Fol'klourujoukos on naine, kudai vie maltau nügöi jo ülen harvinastu luaduu - joikuloi. Kučutah sidä nastu Helmi R'akina. Gu äijäl vähäl Hel'mi piäzöü tervehükses, sit omienke ühtes lähtöü Estounieh.

Nügöi naizet higi piäs valmistutah loittozeh ajelukseh. Heil jo ommeltavinnu ollah uvvet sovat, kudamii mietti Tamara Jufa. Keral naizet otetah omii vahnoi perindöllizii sobiigi.

Toivotammo Jüšküjärven fol'klourujoukol hüvin ozuttua omua iččie da karjalastu kul'tuurua.